Haftay bher say soch raha hun likhun ya nahin
Der hay aur qalam kanp raha hay likhtay huyay.
Pehlay woh hadees apni zaban main sunata chalun jo yad aarahi hay
Aik naya Musalman Baddu ayaa aur Nabi sallahualaihi wasallam ko apna gunah bata ker muafi chahta tha.
Kaha kih Uss ki aik baitee thi yehi koi char panch saal ki jo usay bahut chahti thi aur woh bhi usay chahta tha magar usay marnay kay liyay lay giya aur behla phusla kay kunyain main dala woh chillati rahi abba jan mujhay kiyon dal rahay hain muhjay nikal lain
Main mumkin hay marnay ka tariqa sahi na likh raha hun aap mainsay jo yeh hadees jantan hon meri ghalti muaf karain aur drust ker dain.
Kehnay ka matab yeh hay kih usnay baitee ko mar diya.
AnHuzoor (S) suntay rahay aur issqarad royay kih aapki reesh mubarak ansuon say ter hogaiy.
Hazrat Umar na reh sakay aur usko dantnay kagay kih too nay anhuzzor ko itna rulaya.
Anhuzur nay usay bataya kih Islam say pehlay walay gunah muaf ho jatay hain magar yeh dil hila dainay wali dastan thi.
Aap logonay Balochistan ki kahani parrhi hogi jahan panch auratoon ko Zinda gaarr ker mara giya tha aur bhi is qism ki rongtay kharray karnay wali kahanian suni hongi Jaisay masalan jirgah nay faisla kiya kih larrki ki shadi Quran majeed say ker di jayay
Kiya yeh Jirgay walay log Muslaman hain?
Aur agar hain to inko koi samjhanay wala koi nahin ki begunah aur m'asoom larkian "Izzat" kay liyay qurban kerna gunah-e-azeem hay. 'arab kay Jahil to paida hotay he mar daytay thay magar yeh to jawan larrkiyon ko martay hain.
Sura Takweer main Allah ka kalam hay:
"Wa Izd-al-mauoodato so-elat bi ayye Zdanbin Qutelat"
"Aur baitee jeeti garr di gaiy say poocha jaayayga ki woh too kis gunah main mari gayi" (Allah unn marnay walon ko pochnay kay qabil nahin samajhta, aur uss begunah ko khitab kerta hay)
Pakistan main barray barray president aatay hain aur qanoon bantay hain ki aurat ki hifazat aur uskay hqooq ko mahfuz herna hay.
Laikin police bhi inn jirgay walon say derti hay
I am sure you know these things
Aapka dil dukhaya ho to muafi ka khastgaar hun. Magar jab say yeh kahani parrhi hay dil ro raha hay
Hairan hoon ki yeh musalman (Sahi baat yeh hay inn ko muslaman kehna nahin chahita, Allah mujhay muaaf karay) kaisay Allah ko jawab daingay
Subscribe to:
Post Comments (Atom)
2 comments:
we are worse than pre-arab people...
You mean pre-Islamic Arab people.
In modern West, gender selection is still performed with the smae Jahiliyya ideology, the civilization is still where it was when Adam AS came down to the earth, but he asked Allah SWT for forgiveness and was forgiven, what is going to happen to these modern children of Adam.
Post a Comment